Западни медиуми: санкциите против РФ ја раскараа владејачката коалиција во Германија

Претставниците на Социјал-демократската партија во Германија (СДПГ), а особено министерот за надворешни работи на Германија Франк-Валтер Штајнмаер и вицеканцеларот Зигмар Габриел, сѐ почесто јавно изразуваат незадоволство од политиката на санкции кон Русија.

Претставниците на Социјал-демократската партија во Германија (СДПГ), а особено министерот за надворешни работи на Германија Франк-Валтер Штајнмаер и вицеканцеларот Зигмар Габриел, сѐ почесто јавно изразуваат незадоволство од политиката на санкции кон Русија и се спротивставуваат на идејата за засилување на санкциите, пишува Neue Zurcher Zeitung.

Според информацијата на изданието, извори во СДПГ укажуваат дека укинување на санкциите посакуваат „моќните сили“ во Италија, Унгарија, Бугарија и Словачка. И Германија, како што се забележува во СДПГ, треба да го земе предвид тоа и да ја убеди Полска и балтичките држави да се откажат од својата позиција кон Русија.

Претставниците на СДПГ, вицеканцеларот Габриел и министерот за надворешни работи Штајнмаер отворено и „речиси со исти реченици“ изјавуваат дека Западот треба да размислува не само за засилување на санкциите и прифаќање на Украина во НАТО, туку и за “нова политика во Европа“.

Според мислењето на весникот, со ова водечките социјал-демократи сакаат да ги ограничат дејствата на канцеларката Меркел околу украинското прашање. Весникот додава дека несогласувањата меѓу СДПГ и канцеларката Меркел јасно излегле на виделина за време на самитот на Г-20 во Бризбејн, кога Меркел одржа говор во кој остро ја нападна Русија, а шефот на МНР на Германија истиот дел изјави дека не треба јавно да се „блокира можноста за намалување на тензиите“. 

Сите права ги задржува „Росијскаја Газета“.