Руската армија ќе добие нови беспилотни летала кон крајот на 2016

Според зборовите на Јакунин, новото беспилотно летало предвидува мониторинг на ситуацијата во радиус од 50 километри, со што ќе биде уникатен за руската армија.

Обединетата корпорација за производство на инструменти (ОПК) кон крајот на 2016 година ќе започне со испорака во руската армија на најновите беспилотни летала од мала класа „Корсар“, изјави во интервју за РИА Новости генералниот директор на ОПК Александар Јакунин.

Четирипати повеќе беспилотни летала

„Во моментов реализираме голем проект за создавање на беспилотно летало од мала класа ’Корсар’, како и организација на сериското производство. Почетокот на производството е планиран за првиот квартал во 2017 година, но сметаме дека испораките на ’Корсар’ можат да започнат веќе кон крајот на 2016 година“, изјави Јакунин.

Според зборовите на Јакунин, новото беспилотно летало предвидува мониторинг на ситуацијата во радиус од 50 километри, со што ќе биде уникатен за руската армија.

„Ова е сосема нов производ во Русија. Ваков проект во земјава никогаш не бил реализиран“, подвлече Јакунин. 

Сите права ги задржува „Росијскаја Газета“.

Повеќе возбудливи стории и видеа на Фејсбук страницата на Russia Beyond-Македонија

Овој веб-сајт користи колачиња. Кликнете овде за да дознаете повеќе.

Прифати колачиња