Доктрина: Русија може да примени нуклеарно оружје како одговор на агресија

Согласно новата верзија на воената доктрина, Русија си дава право да примени нуклеарно оружје како одговор на примена на нуклеарно оружје против неа или нејзините сојузници, како и во случај на примена на конвенционално оружје, кога под закана е самото постоење на државата.

Русија во новата верзија на воената доктрина го остава правото да примени нуклеарно оружје како одговор на примената на нуклеарно оружје против неа или нејзините сојузници, како и доколку се примени конвенционално оружје и е под закана самото постоење на државата, се кажува во воената доктрина, потпишана од претседателот на Русија и објавена на интернет-страницата на Кремљ.

Претходно во некои медиуми се појавија тврдења дека во новата верзија на воената доктрина ќе биде воведен терминот „превентивен удар“. Сепак, во официјалната верзија на воената доктрина не се среќава таков термин.

Во документот се забележува дека нуклеарното оружје е и ќе биде важен фактор во спречувањето на појава на нуклеарни конфликти, но и конфликти со конвенционално оружје.

Решение за примена на нуклеарно оружје носи шефот на руската држава. 

Сите права ги задржува „Росијскаја Газета“.

Повеќе возбудливи стории и видеа на Фејсбук страницата на Russia Beyond-Македонија

Овој веб-сајт користи колачиња. Кликнете овде за да дознаете повеќе.

Прифати колачиња