Лавров се надева дека САД ќе ја разберат бесмисленоста на економските блокади

Минатата недела Белата куќа објави „историска“ иницијатива за подобрување на односите со Куба.

Решението на САД да ја симнат блокадата од Куба е позитивен чекор, изјави шефот на МНР на Русија Сергеј Лавров во интервју за „Комерсант“, изразувајќи надеж дека потребно е повеќе време за да се разбере апсурдноста и бесмисленоста од било какви слични економски блокади.

Минатата недела Белата куќа објави „историска“ иницијатива за подобрување на односите со Куба, вклучувајќи и воспоставување на дипломатски односи (кои беа прекинати во 1961 година), раст на инвестициите и трговијата, дозвола за патување, дозвола за користење на американските кредитни картички во Куба и т.н. Притоа, изјавено е дека мали се шансите наскоро да бидат симнати санкциите против Хавана од страна на Конгресот на САД и покрај намерите на администрацијата на Обама.

Лавров забележа дека Москва „не само што го очекувала тоа, туку и со децении настојуваше да го покаже тоа што е очигледно - трговско-економската блокада од страна на САД е бесмислена и контрапродуктивна“.

„Секоја година во Генералното собрание на ООН во своите настапи повикуваме да се прекине таа бесмислена блокада. Фала Богу што конечно САД се решија на тоа. Тоа е позитивен чекор. Требаше време, но сепак..“, изјави рускиот министер за надворешни работи. 

Сите права ги задржува „Росијскаја Газета“.

Повеќе возбудливи стории и видеа на Фејсбук страницата на Russia Beyond-Македонија