Делегација од рускиот град Електростаљ престојуваше во Струмица
Од 10 до 14 декември во Струмица престојуваше делегација од рускиот град Елекстростаљ (Московска област). Посетата беше направена за време на одбележување на Денот на градот (Светите петнаесет Тивериополски свештеномаченици – заштитници на градот).
Делегацијата од градот Елекстростаљ допатува по покана на градот Струмица во рамките на Договорот за соработка и побратимување, потпишан во 2013 година. Во составот на делегацијата се најдоа работници од образовната сфера, здравството, културата и спортот. Раководител на делегацијата беше Елена Ивановна Миткина, началник на Одделот за образование при Администрацијата на Електростаљ.
Целта на посетата во Струмица е давање конкретни предлози од општествената сфера. Делегацијата ја прими лично градоначалникот на градот Зоран Заев. Гостите посетија неколку школи, болници, спортски објекти, детска градинка, библиотека, а извршија и неколку средби со локалните колеги.
Ова е трета посета на делегација од Електростаљ во Струмица.
Сите права ги задржува „Росијскаја Газета“.