Нова нуклеарна подморница во составот на руската Воена морнарица

Официјалната церемонија на подигнување на Андреевското знаме на оваа подморница ќе се одржи на 19 декември.

Третата стратешка нуклеарна подморница од типот „Бореј“ (проект 955) влезе во составот на Воената морнарица на Руската Федерација, соопшти извор од руските Вооружени сили. „Во бродоградилиштето ’Севмаш’ е потпишан документ за примопредавање на подморницата ’Владимир Мономах’ на државната комисија“, изјави неименуваниот извор, додавајќи дека церемонијата била затворена за претставниците од медиумите, пренесува агенцијата ТАСС.

Графикон: Проект 955 „Бореј“

Морнарицата ја презеде во својот состав подморницата која одговара на сите карактеристики кои се наведени во договорот склучен меѓу Министерството за одбрана и компанијата, објасни изворот.

Официјалната церемонија на подигнување на Андреевското знаме на оваа подморница ќе се одржи на 19 декември. Според традицијата, подморницата не се смета за примена во борбениот состав на Морнарицата додека не биде подигнато знамето.

Подморницата „Владимир Мономах“ успешно ги помина сите етапи на фабричките и државните тестирања, а на 10 септември изврши лансирање на интерконтинентални балистички ракети „Булава“ на полигонот Кура на Камчатка. 

Сите права ги задржува „Росијскаја Газета“.

Повеќе возбудливи стории и видеа на Фејсбук страницата на Russia Beyond-Македонија

Овој веб-сајт користи колачиња. Кликнете овде за да дознаете повеќе.

Прифати колачиња