Путин разговараше со премиерот на Унгарија и претседателот на Србија за енергетската соработка

Претходно претседателот на Србија Томислав Николиќ изрази желба да зборува директно со претседателот на Русија Владимир Путин околу проектот за изградба на гасоводот „Јужен тек“.

Претседателот на Русија Владимир Путин разговараше по телефонот со премиерот на Унгарија Виктор Орбан и претседателот на Србија Томислав Николиќ за перспективите на понатамошната соработка во енергетската сфера по прекинот на проектот „Јужен тек“, соопшти прес-службата на Кремљ, а објави РИА Новости.

„Претседателот на Руската Федерација Владимир Путин изврши телефонски разговори со премиерот на Унгарија Виктор Орбан и претседателот на Србија Томислав Николиќ. Разговарано беше за актуелните прашања на билатералната соработка, како и за перспективите на понатамошната соработка во енергетската сфера по прекинот на реализацијата на „Јужен тек“, се кажува во соопштението.

Претходно претседателот на Србија Томислав Николиќ изрази желба да зборува директно со претседателот на Русија Владимир Путин околу проектот за изградба на гасоводот „Јужен тек“.

Претседателот Владимир Путин на 1 декември изјави дека Русија засега не може да продолжи со реализацијата на „Јужен тек“ поради неконструктивната позиција на Европската унија. 

Сите права ги задржува „Росијскаја Газета“.

Повеќе возбудливи стории и видеа на Фејсбук страницата на Russia Beyond-Македонија

Овој веб-сајт користи колачиња. Кликнете овде за да дознаете повеќе.

Прифати колачиња