Русија ќе ја заврши годината со буџетски суфицит

Суфицитот на федералниот буџет во Русија се јавува не како резултат на големите приходи, туку како резултат на намалените трошоци.

Министерството за финансии прогнозира суфицит во рускиот буџет годинава на ниво од 0,3 до 0,5% од БДП, изјави министерот за финансии на Русија, Антон Силуанов.

„Според нашите процени, суфицитот ќе изнесува од 0,3% до 0,5% од БДП“, изјави Силуанов пред новинарите, одговарајќи на прашањето за оценка на исполнетоста на буџетот годинава.

Притоа, според неговите зборови, суфицитот е создаден не поради поголемите приходи во буџетот, туку за сметка на намалувањето на расходите.

„Суфицитот се појавува поради тоа што некои планирани трошоци не се реализирани. За сметка на тоа, како и на одредени други извори“, изјави Силуанов. 

Сите права ги задржува „Росијскаја Газета“.

Повеќе возбудливи стории и видеа на Фејсбук страницата на Russia Beyond-Македонија