Путин: САД не ги почитуваат одлуките на самитот на Г-20

Путин како пример ја наведе одлуката за јакнење на улогата на земјите во развој, блокирана од страна на Конгресот на САД:

САД не ги почитуваат глобалните одлуки донесени од членовите на самитот на Г-20, особено ако истите не одговараат на нивните интереси, изјави претседателот на Русија, а пренесува РИА „Новости“.

Меѓу другото, според зборовите на рускиот претседател, се работи за одлука донесена на еден од самитот на Г-20 за јакнење на улогата на земјите во развој во работата на ММФ, за распределба за квотите во оваа организација. Конгресот на САД ја блокираше оваа одлука.

„Фактот дека Конгресот одби да го поддржи тој закон зборува за тоа дека имено САД не го почитуваат општиот контекст на решавање на проблемите кои стојат пред меѓународната заедница. На тоа никој не посветува внимание. Користејќи го својот монопол во светските средства за јавно информирање САД често ги ’потиснуваат’ овие информации“, додаде тој.

Исто така, шефот на руската држава истакна дека и покрај сево ова, форматот на Г-20 и понатаму е потребен. 

Сите права ги задржува „Росијскаја Газета“.

Повеќе возбудливи стории и видеа на Фејсбук страницата на Russia Beyond-Македонија

Овој веб-сајт користи колачиња. Кликнете овде за да дознаете повеќе.

Прифати колачиња