Facebook сака да стане социјална мрежа број еден во Русија

Според податоците на TNS Web Index, „Вконтакте“ останува најпопуларната социјална мрежа во Русија со 52,1 милиони корисници.

Социјалната мрежа Facebook планира да го заземе првото место на рускиот пазар, пренесува Business Insider, повикувајќи се на шефот на европската канцеларија на Facebook, Жулиен Кодорну.

За постигнување на своите цели, во социјалната мрежа се планира создавање на апликации за Facebook. Според мислењето на раководството на компанијата, заедно со појавата на локални апликации, повеќе локални корисници ќе започнат да се регистрираат на Facebook.

 

Освен тоа, според мислењето на Кодорну, Facebook е добар и за големите компании со тоа што им дозволува да се најдат на меѓународниот пазар. „Вие можете да бидете крал на Русија во ’Вконтакте’ (најпопуларната руска социјална мрежа), но тоа нема да ви помогне да привлечете клиенти од САД“, изјави претставникот на Facebook.

Според податоците на TNS Web Index, „Вконтакте“ останува најпопуларната социјална мрежа во Русија со 52,1 милиони корисници. На второто место е „Одноклассники“ со 41,1 милиони корисници. Facebook се наоѓа на четвртото место според популарноста во Русија со 23,8 милиони корисници, наоѓајќи се веднаш зад „Мојот свет“ со 27,8 милиони корисници. 

Сите права ги задржува „Росијскаја Газета“.

Повеќе возбудливи стории и видеа на Фејсбук страницата на Russia Beyond-Македонија

Овој веб-сајт користи колачиња. Кликнете овде за да дознаете повеќе.

Прифати колачиња