Новак: падот на цените на нафтата е резултат на шпекулации

Министерот за енергетика на Русија смета дека причините за падот на цените на нафтата не се целосно објективни.

Министерот за енергетика на Русија, Александар Новак смета дека падот на цените на нафтата во светот е резултат на шпекулативни игри, пренесува РИА Новости.

„Кога овој шпекулативен фактор ќе заврши, тешко е да се каже“, забележа тој.

Според зборовите на Новак, постојат и објективни фактори кои негативно влијаат на вредноста на нафтата. „Тоа се побавните темпа на раст на економијата во споредба со претходните прогнози. Поради тоа се намали и побарувачката на нафта во светот“, појасни министерот.

Шефот на Министерството за енергетика најави дека во почетокот на оваа година вредноста на еден барел нафта била 120 долари, а во моментов таа падна до 83 долари. Средната годишна цена, судејќи според досегашниот тренд, ќе изнесува 100 долари за барел. 

Повеќе околу темата:

Bank of America прогнозира рецесија во Русија

Падот на цените на нафтата ќе биде силен удар врз Русија и Иран

Цената на нафтата му се заканува на буџетот на Русија

Сите права ги задржува „Росијскаја Газета“.

Повеќе возбудливи стории и видеа на Фејсбук страницата на Russia Beyond-Македонија