Западни медиуми: Москва ги зацврстува односите со Пекинг за да се спротивстави на санкциите на Западот

Москва смета на понатамошно зацврстување на стратешките врски со Пекинг.

Москва смета на понатамошно зацврстување на стратешките врски со Пекинг, бидејќи сака да се спротивстави на санкциите на Западот, пишува The Wall Street Journal.

Претходно беше соопштено дека руската и кинеската делегација потпишаа 38 договори во рамките на 19-та регуларна средба на шефовите на владите на Русија и Кина, вклучувајќи и договор за соработка во сферата на испораките на природен гас во Кина по источната маршрута, договор за понатамошно продлабочување на соработката меѓу „Роснефт“ и Кинеската нафтена корпорација, договор за валутни размени меѓу руската Централна банка и Народната банка на Кина, договор меѓу Московската берза и Банката на Кина, како и неколку рамковни договори за отворање на кредитни линии меѓу руски и кинески банки.

На фонот на постојаниот антагонизам меѓу Западот и Украина, руските чиновници сѐ почесто гледаат кон Кина како кон алтернативен извор на финансии и бизнис, пишува американското издание. „Изолираната“ Русија ќе потпише финансиски и деловни договори со Кина, додаде весникот.

Forbes, пак, додава дека „новата омилена валута“ на Москва станал кинескиот јуан. Русија се стреми да ги замени доларот и еврото со јуанот, која се очекува да стане глобална валута и да конкурира со јапонскиот јен, се забележува во статијата. 

Сите права ги задржува „Росијскаја Газета“.