Медиуми: Турција може да започне со извоз на млечни производи во Русија од 15 октомври

Турција го зазема 16-то место според производството на млеко во светот.

Турција може да започне со извоз на млечни производи во Русија уште од 15 октомври, соопштува агенцијата Anadolu, повикувајќи се на шефот на асоцијацијата за производство на млеко и млечни производи, Харун Чали.

„Воведувањето ембарго од Русија отвора нови можности за Турција. Последните препреки за продажба на турски млечни производи во Русија беа симнати откако завршија преговорите меѓу турските и руските министерства за земјоделие, и сега очекуваме да започне извозот на нашите производи во Русија од 15 октомври“, изјави Чали, а пренесува РИА „Новости“.

Турција го зазема 16-то место во светот според производството на млечни производи. Годишно ова производство бележи раст од 10%.

„Нам ни требаат нови пазари за да ги продаваме производите. Дури 5% удел во сферата на млечните производи во Русија за нас ќе биде големо достигнување“, изјави Чали. 

Сите права ги задржува „Росијскаја Газета“.