Анкета: Русите гледаат во санкциите на Западот обид да се ослаби Русија

Повеќето граѓани на Русија сметаат дека притисокот врз Русија од страна на Западот не треба да биде мотив за откажување од избраниот политички курс на раководството, покажа анкетата на Левада-Центарот.

Според податоците на социолозите, 71% од испитаниците гледаат во санкциите обид да се ослаби Русија, која ги засили своите позиции на меѓународната арена како резултат на приклучувањето на Крим. Слична позиција имаат 18% од анкетираните, кои ги сметаат економските мерки на западните земји за начин да се „врати геополитичката рамнотежа“. Само 4% од испитаниците се убедени дека санкциите имаат конструктивен карактер.

Значителен дел од Русите ги гледаат САД како главни заинтересирани за борбите во Украина и за економските санкции – 69% и 67%, додека секој четврт анкетиран гледа директна заинтересираност на сегашното украинско раководство да се продолжи конфликтот. 

Сите права ги задржува „Росијскаја Газета“.