Забрана за носење национална и религиозна облека, вклучувајќи и капи – е воведена од оваа учебна година од страна на Рускиот национален медицински институт „Н.И. Пирогов“. Наредбата за воведување на новиот кодекс за облекување се појави на интернет-страницата на универзитетот.
„Со цел да се зачува универзитетската етика, како и да се создаде унифицирана стратегија за барањата во однос на изгледот на студентите, не се дозволува облека која укажува на припадноста на една или друга националност или религија, вклучувајќи ги и капите“, се кажува во наредбата.
Исто така, ректоратот на институцијата забранува и појавување на студентите во облека „која може да ги повреди политичките и религиозни чувства на околните лица“. Препорачливо, според пораката на институцијата, е да се носат „панталони, кошули, џемпери, вратоврски, костуми“, а за девојките „фустан или здолниште кои не се пократки од 10 сантиметри над колената, како и панталони“.
Оваа наредба не е прв обид дел од институциите за високо образование да ги изнесат од своите простории религиозните елементи во облекувањето.
Сите права ги задржува „Росијскаја Газета“.
Претплатете се
на нашиот билтен!
Добивајте ги најдобрите стории на неделата директно во вашето сандаче