Русија ќе испорача во Мали авиони и хеликоптери за борба со тероризмот

Министерот за надворешни работи на Русија, Сергеј Лавров изјави дека неговата држава ќе испорача воена помош на Мали заради борба со тероризмот. Воената помош вклучува авиони и хеликоптери.

 „Што се однесува до неполитичката форма на поддршка на Мали во борбата со тероризмот, ние веќе дадовме воено-техничка помош по барање на раководството на Мали – лесно вооружување, муниција, а сега се подготвува испорака на оружје кое е потребно на армијата на Мали“, ги пренесува РИА „Новости“ зборовите на Лавров.

Според неговите зборови, „тоа се хеликоптери, авиони и други борбени системи“.

Шефот на МНР на Русија забележа дека руската страна веќе соработува со Мали во областа на подготовка на офицери за армијата на Мали, како и полицајци во установите за високо образование на МВР во Русија. 

Сите права ги задржува „Росијскаја Газета“.