Властите на Москва сакаат до 2018 целосно да го „покријат“ градот со Wi-Fi

Властите на главниот град на Русија планираат до 2018 година во целост да ја покријат територијата на Москва со Wi-Fi мрежа. Во моментов течат преговорите со телекомуникациските оператори за извршување на соодветниот проект, пренесува ИТАР-ТАСС, повикувајќи се на Артјом Ермолаев, претставник во одделот за информациски технологии.

„Станува збор за реализирање на проект под името City Wi-Fi, во чии рамки ќе ги обединиме напорите на градот и операторите и да им се дозволи на жителите на Москва во целост да ја искористат оваа услуга како алтернатива“, изјави тој.

Според неговото мислење, максималната побарувачка на – Wi-Fi во Москва ќе биде забележан во 2018 година, кога во Русија ќе се одржи светското фудбалско првенство. „Сите ќе сакаат да гледаат видео-пренос онлајн, на пример, од мобилните телефони. Тоа бара трансфер на податоци со големи брзини“, појасни тој. 

Сите права ги задржува „Росијскаја Газета“.