На Еквадор не му треба дозвола да извезува храна во Русија

Земјите од Европската унија изјавија дека се незадоволни од одлуката на латиноамериканските држави да испорачуваат во Русија производи, чиј увоз од Европа е забранет.

Претседателот на Еквадор, Рафаел Кореа, во вторникот изјави дека неговата земја нема да бара дозвола да извезува во Русија прехранбени производи.

„Веднаш сакам да кажам дека нам не ни е потребна ничија дозвола да продаваме производи на нашите пријатели. Колку што ни е познато, Латинска Америка не е дел од Европската унија“, ги пренесува агенцијата Андес зборовите на претседателот на Еквадор. 

Сите права ги задржува „Росијскаја Газета“.