Обновувањето на руско-иранскиот договор за испорака на системи за ПВО С-300 на Техеран може да стане реалност и одговор на санкциите кои САД ги воведуваат против руските претпријатија.
„Нашите претставници во Министерството за одбрана повеќепати преговараа со своите партнери во Русија. Сметам дека може да го добиеме С-300 или дури некои од посовремените системи. Решавањето на ова прашање е во тек“, изјави амбасадорот на Иран во Русија, Мехди Санаи за агенцијата „Интерфакс“.
Дипломатот потсети дека „Иран смета дека договорот за С-300 уште важи, бидејќи санкциите кои се воведени врз основа на резолуцијата на СБ на ООН бр. 1929 не се однесуваат на договорот за набавка на С-300. Договорот е потпишан пред воведувањето на санкциите и во него се наведува дека овој систем има одбранбена, а не офанзивна намена“.
Сите права ги задржува „Росијскаја Газета“.
Претплатете се
на нашиот билтен!
Добивајте ги најдобрите стории на неделата директно во вашето сандаче