Русија покани воени аташеа на 18 држави на границата со Украина

Министерството за одбрана на Русија покани 18 акредитирани воени аташеа во Москва од различни држави да ја посетат границата со Украина во Ростовската област и самите да се уверат за состојбата на лице место.

„Во Министерството за одбрана донесено е решение да се запознаат странските воени специјалисти со вистинската состојба кај населеното место Донецк во Ростовската област, каде после нападот од украинска страна настрадаа луѓе и инфраструктура. Поради тоа, поканети се аташеата од 18 држави (САД, Германија, Франција, Холандија, Белгија, Украина, Кина, Јапонија и други) на 15 јули да го посетат овој реон“, изјави заменикот министер за одбрана, Анатолиј Антонов. 

Сите права ги задржува „Росијскаја Газета“.