Србија ѝ се заблагодари на Русија за помошта за поплавите

Првиот вицепремиер на Србија, Ивица Дачиќ, за време на средбата со заменикот министер за надворешни работи на Русија, Генадиј Гатилов, ѝ се заблагодари на Русија за помошта во ликвидирањето на последиците од поплавите, се пренесува на интернет-страницата на руското МНР.

„Српскиот министер изрази искрена благодарност до раководството на Руската Федерација за укажаната помош во сферата на надминувањето на последиците од катастрофалните поплави во државата, вклучувајќи ја и испораката на хуманитарна помош, како и за спасувачките операции“, се кажува во пораката.

Освен тоа, за време на средбата била потврдена заедничката заинтересираност за развој на билатералната соработка во повеќе области. 

Сите права ги задржува „Росијскаја Газета“.