„Газела“ ќе се продава во Европа

„Групата ГАЗ“ доби европска дозвола за продажба на превозното средство од марката „Газела-Next“. Фабриката за автомобили отсега ќе може официјално да го извезува овој модел во земјите на Европската унија, јавуваат руските медиуми.

За да го добие овој сертификат „Газела-Next“, мораше да се тестира возилото повеќе од една година. Потврдено е дека моделот ги исполнува сите 43 барања кои се однесуваат на безбедноста, а исто така, добиени се 113 меѓународни сертификати, од кои 74 за одделни делови.

Во овој момент фабриката за автомобили бара дилери преку кои ќе ја организира продажната мрежа на „Газела-Next“ на европскиот пазар.

Возилата „Газела-Next“ се произведуваат од почетокот на април 2013 година. Моделот може да има различни видови каросерија, вклучувајќи ја и верзијата со приколка, фургон и минибус. 

Сите права ги задржува „Росијскаја Газета“.