Русија е решена да ги реализира проектите „Северен тек“ и „Јужен тек“, но ако Европската унија ја попречува реализацијата на последниот, Русија ќе разгледа и други варијанти за изградба на гасоводот - преку држави кои не се членки на ЕУ, изјави претседателот на Русија, Владимир Путин.
„Ако и понатаму имаме проблеми околу 'Јужен тек', а Брисел постојано ни 'дава сопки' - ние ќе разгледаме и други варијанти - преку држави кои не влегуваат во составот на Европската унија“, изјави Путин за време на средбата со раководителите на светските информативни агенции.
Русија ги гради гасоводите „Северен тек“ и „Јужен тек“ за да ги диверзифицира испораките на гас во Европа, како и за да ја намали транзитната зависност од Украина. Во последно време се засилија стравовите за безбедниот транзит на рускиот гас преку Украина во Европа поради политичката нестабилност во државата, како и поради намерите Русија да воведе „припејд“ режим на плаќање за гасот за Украина.
Сите права ги задржува „Росијскаја Газета“.
Претплатете се
на нашиот билтен!
Добивајте ги најдобрите стории на неделата директно во вашето сандаче