Претседателот на Русија, Владимир Путин, изјави дека е неопходно да се забрза темпото на производство на системи за противвоздушна одбрана, врз основа на кои се создаваат заедничките одбранбени системи на Русија, Белорусија и Казахстан, јавуваат руските медиуми.
„Треба да се зголеми производството на капацитети за најбараните ПВО системи и да се развива производството на авијациски средства и високопрецизно оружје кое се применува во ПВО“, изјави Путин за време на седницата на комисијата за воено-техничка соработка на Русија со другите земји.
Тој истакна дека денес руските системи С-300, С-400 и „Панцир-С1“ се лидери на светскиот пазар за вооружување поради нивната едноставност, квалитет и технички и борбени карактеристики.
Според неговите зборови, Русија остварува третина од светските испораки на средства за противвоздушна одбрана, а во 2013 година нивниот удел во извозот пораснал од 13% на 20%.
Претседателот на Русија, Владимир Путин е задоволен од позицијата на Русија на светскиот пазар за вооружување.
Сите права ги задржува „Росијскаја Газета“.