Бугарија ќе направи сѐ што треба за да се реализира проектот „Јужен тек“

Министерот за надворешни работи на Бугарија, Кристијан Вигенин, соопшти дека ќе биде направено сѐ за да се реализира проектот на гасоводот „Јужен тек“, и покрај желбата да ѝ се помогне на Украина и нејзината политичка стабилизација, пренесува ИТАР-ТАСС.

„Бугарија и редица други држави кои се членки на ЕУ не треба да бидат заложници на таа нестабилност - политичка, економска и финансиска. Затоа, ние на прво место ги ставаме интересите на европските граѓани, вклучувајќи ги и бугарските граѓани, и ќе направиме сѐ што зависи од нас за да се реализира 'Јужен тек' во Бугарија“, изјави тој.

Според шефот на бугарското МНР, „независно од нашата желба да ѝ помогнеме на Украина да се стабилизира, гледаме дека ситуацијата таму во долгорочна перспектива тешко дека ќе се подобри“.

„Затоа, ако зборуваме за енергетска безбедност, за нас е важно рускиот гас да протече низ Бугарија. Од гледна точка на вредноста на проектот, за Бугарија тој е многу важен, и ние ќе направиме сѐ што треба за да биде реализиран“, изјави министерот за надворешни работи.  

Сите права ги задржува „Росијскаја Газета“.