Подморницата „Северодвинск“ предадена на Воената морнарица на РФ

Нуклеарната подморница  „Северодвинск“ од проектот 885 „Јасен“, официјално е предадена на Воената морнарица  на РФ, соопштува Интерфакс.  

„Северодвинск“ е главна подморница на овој проект. Нејзината изградба започнала 1993 година во бродоградилиштето „Севмаш“.  Првобитно беше планирано подморницата да и биде предадена на Воената морнарица во 2011 година, но примопредавањето повеќепати беше одложувано од технички причини.

Подморницата има десет торпедни апарати со калибар 553 мм и лансирни рампи за крстосувачки ракети „Калибар“ и „Оникс“ (вкупно 24 броја). Посебна е по тоа што торпедните апарати не се сместени на клунот, туку зад централната комора, така што на клунот е ослободен простор за голема хидроакустична антена.  

Сите права ги задржува „Росијскаја Газета“.