Градоначалникот на Москва, Сергеј Собјанин го отпушти префектот на Јужниот округ на Москва, Георгиј Смолеевски, како и началникот на управата на реонот Западно Бирјуљово, Виктор Легавин.
„Донесов одлука да се промени префектот на Јужниот округ и началникот на управата на Западно Бирјуљово. Префектот на Јужноисточниот округ е укорен. Ве молам да следите што се случува на вашата територија, вклучете ги потребните правосудни органи, како и контролните органи во случај на откривање на масовно кршење на законот, и да ме известувате“, изјави Собјанин на седницата на градската влада во вторникот.
Сергеј Собјанин додаде дека префектите и началниците на управите на московските реони мораат да преземат лична одговорност за масовните кршења на законите на териториите под нивна контрола.
Сите права ги задржува „Росијскаја Газета“.