Државната Дума на Русија нема намера да живее според препораките на Европскиот парламент

Пратениците на Државната Дума одговорија на резолуцијата на Европскиот парламент во која Русија се обвинува за вршење притисок на земјите од Источното партнерство (Украина, Молдавија, Азербејџан, Грузија и Белорусија) со специјално соопштение во кое замерките на своите колеги ги нарекуваат за неосновани, а самата резолуција за правно неважечка. Повод за усвојувањето на резолуцијата е ставот на Русија кон информацијата дека Украина планира да потпише договор за соработка со ЕУ.

Овој договор е крајно неповолен за Украина, смета претседателот на Комитетот на Државната Дума за меѓународни односи, Алексеј Пушков: „Убавите зборови за поддршка на суверенитетот се прикриваат од желбата на ЕУ останатите земји да ги стави во позиција на зависност и да ги вклучи во зоната на своето економско и политичко влијание“. Договорот за соработка, според мислењето на Пушков, претставува обид за мали пари земјите од „Источното партнерство“ да се врзат за ЕУ и да се претворат во обичен „економски додаток“. 

Сите права ги задржува „Росијскаја Газета“.