Руски „Гаспром“ е заинтересиран за соработка со Република Македонија, ова вчера го изјави Алексеј Милер после преговорите со премиерот на Македонија, Никола Груевски.
„РМ се наоѓа во плановите на развој на руската компанија. И покрај веќе постоечките планови и проекти, во иднина „Гаспром“ ќе разгледа и можности за други инвестиции во оваа држава“, забележа Милер.
Како што соопштија кореспондентите на ИТАР-ТАСС за време на прес-службата на Владата, учесниците на средбата разговарале за реализацијата на проектот „Јужен тек“, конкретно за роковите за изградба и започнување со експлоатацијата. Алексеј Милер и Никола Груевски подвлекоа дека после ратификацијата на потпишаниот договор за приклучување на Македонија кон „Јужен тек“ ќе се создаде заедничко претпријатие кое ќе ги разгледува сите понатамошни чекори.
Руско-македонскиот договор за соработка при создавањето на крак од гасоводот „Јужен тек“ беше потпишан во Москва на 23 јули.
Сите права ги задржува „Росијскаја Газета“.