Руски космонаут го прослави 60-от роденден на МКС

Рускиот космонаут Павел Виноградов, кој во моментов работи на МКС, го прослави вчера својот 60-ти роденден.

Роденденот му го честиташе и претседателот Владимир Путин со зборовите: „Вие својот живот во целост го посветивте на вселената, па дури и роденденот го прославувате во орбита заедно со екипажот на Меѓународната вселенска станица. Со вашата посветеност и многу одговорен пристап кон решавање на поставените задачи стекнавте голем углед и заслужено почитување“, се наведува во телеграмата.

Павел Виноградов веќе имал 7 излегувања во отворена вселена, каде има вкупно поминато 31 час и 47 минути. Тој е најстариот човек кој воопшто некогаш излегува во отворена вселена (на 59 години). 

Сите права ги задржува „Росијскаја Газета“.