Московскиот државен универзитет се најде меѓу 100-те најдобри универзитети во светот според шангајската листа

Московскиот државен универзитет се најде на 79-то место во рејтингот од 500 универзитети во светот.

Московскиот државен универзитет го зазеде 79-то место во Академскиот рејтинг од 500 универзитети во светот кој го составува Шангајскиот универзитет, пренесува за РИА Новости шефот на прес-службата на МДУ, Татјана Вишневскаја.

„На петнаесетти август беше објавен академскиот рејтинг за 500-те најдобри универзитети во светот за 2013 година. Најдобар универзитет во Русија е, како и порано, МДУ „Ломоносов“, кој се најде на 79-то место во рејтингот“, изјави Вишневскаја.

Минатата година МДУ беше на 80-то место. Државниот универзитет во Санкт Петербург се најде во третата стотка најдобри универзитети во светот.

На првото место се најде Харвардскиот универзитет, а после него следуваат Стенфордскиот, Калифорнискиот и МИТ.  

Сите права ги задржува „Росијскаја Газета“.