Хакер од Русија не признава дека е виновен за кражба на 160 милиони кредитни картички

Русинот Дмитриј Смилјанец, кој е обвинет за еден од најголемите хакерски напади во историјата на САД, не признава дека е виновен за тоа дело, пренесува Ројтерс.

Првото сослушување околу кражбата и препродажбата на податоци од 160 милиони кредитни и дебитни картички се одржа во градот Њуарк во Њу Џерси.

Според верзијата на обвинителството, Дмитриј Смилјанец заедно со група истомисленици неколку години влегувале во големите компјутерски мрежи на големите американски и меѓународни компании, крадејќи податоци за кредитни картички. Загубите на оштетените партии изнесуваат околу 300 милиони долари. 

Сите права ги задржува „Росијскаја Газета“.