Во Москва се протестира за поддршка на осудениот опозиционер

На улиците што водат кон Манежниот плоштад се насобрани луѓе кои протестираат во знак на поддршка на Алексеј Наваљни

На улиците што водат кон Манежниот плоштад веќе шест часа се насобрани луѓе кои протестираат во знак на поддршка на Алексеј Наваљни и на Петар Офицеров.

„Народниот собир“, чии учесници уште на самиот почеток беа спречени да дојдат на Манежниот плоштад од страна на силите за специјална намена и од внатрешната војска, на крајот тргнаа кон соседните улици – Тверскаја, Охотни Рјад, Моховаја. Демонстрантите неколку пати го блокираа коловозот. Тешко е да се даде оценка за бројот на насобраните, кој во првите неколку часа постојано растеше. Полицијата смета дека има околу 2.5 илјади лица, а очевидците велат дека нивната бројка се движи помеѓу 15 и 40 илјади. Повеќе од 100 лица се приведени. Манежната улица, Охотниј Рјад и и поголем дел од Тверската улица сега се расчистени, а демонстрантите се растерани.

Сите права ги задржува „Росијскаја Газета“.