Путин: односите САД-Русија се поважни од раздорот меѓу известувачките служби

Путин зборуваше за судбината на Сноуден.

Меѓудржавната комуникација на РФ и САД е многу поважна од раздорот помеѓу известувачките служби – изјави претседателот Владимир Путин во разговор со новинарите. Тој смета дека ситуацијата со Едвард Сноуден и слични на него случаи не треба да ги комплицираат односите помеѓу државите.

„Имаме свои задачи. Имаме независна надворешна политика“- изјави претседателот на држвата. Путин, исто така нагласи дека поранешниот соработник на специјалните служби, Сноуден, е предупреден за неприфатливи активности, кои нанесуваат штета на САД и на руско-американските односи.

„Едвард Сноуден е млад човек, и навистина не разбирам како се одлучил на тоа и како планира понатаму да го гради својот живот, но сепак тоа е негова судбина, негов избор“ – нагласи Путин. Исто така, рускиот претседател смета дека поранешниот агент на ЦИА не планирал да остане во Русија. 

Сите права ги задржува „Росијскаја Газета“.