Секој осми Русин е постар од 65 години

Последните податоци од статистиката покажуваат дека секој осми Русин денес е постар од 65 години, пренесува РИА Новости.

„Ова е актуелен проблем - уште денес имаме 13% од руската популација која е постара од 65 години - тоа е стареење на популацијата“, изјави заменикот на министерот за труд и социјална заштита, Алексеј Вовченко. Тој додаде дека според меѓународните критериуми, населението на државата се смета за старо ако уделот на луѓе кои се постари од 65 години изнесува над 7%.

„Бројот на лица кои се постари од работоспособната возраст во Русија од 2006 година постојано расте, и во почетокот на 2012 година тој изнесува 32,4 милиони луѓе, или 22,7% од населението. Бројот на лица кои се постари од работоспособната возраст е за 8,9 милиони поголем од бројот на лица кои се под работоспособната возраст“, забележа Вовченко.

Сите права ги задржува „Росијскаја Газета“.