Во Државната Дума инцидентот со авионот на Ево Моралес е оценет како „гнасен“

Државната Дума е шокирана од соопштението дека авионот на претседателот на Боливија, Ево Моралес, кој полета од Москва - бил принуден да слети во Виена и да помине низ претрес од страна на австриските власти, кои се сомневале дека во него може да се наоѓа поранешниот соработник на ЦИА, Едвард Сноуден.

„Тоа е спротивно на сите норми на меѓународното право. Јас сум шокиран“, изјави за ИТАР-ТАСС првиот заменик на претседателот на долниот дом на парламентот за меѓународни прашања, Леонид Калашников.

Според неговите зборови, самата ситуација е „гнасна“ и „не се вклопува во никакви рамки“. „Претседателот на државата има неприкосновен имунитет. Ова што се случи е најциничен начин на диктатура“, нагласи Калашников. Заменикот на претседателот на комитетот не се сомнева дека „зад ова стојат САД“.

Сите права ги задржува „Росијскаја Газета“.