Влезот на Русија во Светската трговска организација е „разочарување на годината“

Во споредба со Европа, Русија и понатаму останува привлечна за инвестиции и водење бизнис.

Асоцијацијата на европскиот бизнис во Русија ги претстави резултатите на годишното истражување „Стратегиите и перспективите на европските компании во Русија“.

Според податоците од истражување, инвестициската привлечност на Русија се намали: се намалил оптимизмот околу влегувањето во СТО, а промената на власта после изборите во 2012 година, според мислењето на анкетираните, не влијаеше врз намалувањето на бирократијата и корупцијата.

Според зборовите на генералниот директор на „ГФК-Гус“, Александар Демидов, и покрај намалувањето на растот на руската економија, на фонот на кризата во Европа Русија останува привлечен пазар и покажува голем потенцијал за понатамошен развој.

78% од компаниите кои учествуваа во анкетата го зголемиле својот обрт на средства во 2012 година.

Општо земено, компаниите прогнозираат економски раст, но оптимизмот во споредба со минатата година е намален. На пример, ако во 2012 година за зголемување на инвестициите зборувале 74% од анкетираните менаџери, оваа година само 66% се решаваат за таков чекор.

 „Разочарување на годината“ за анкетираните е влегувањето на Русија во СТО. Според анкетата, позитивно влијание од ова имале само 28% од компаниите, а само една година порано 58% изјавиле дека очекуваат позитивни измени после влегувањето на Русија во СТО.

Сите права ги задржува „Росијскаја Газета“.