Започнува модернизацијата на Транссибирската железница

Руската влада сака да го зголеми капацитетот на најпознатата светска железница.

Руската влада одобри финансии за модернизација на Бајкалско-Амурската и Транссибирската железница до 2018 година. За модернизацијата на овие железници се одвоени речиси 13 милијарди евра, изјавија извори од Руските железници и од владата. Модернизацијата ќе го зголеми капацитетот на тие железници до 50 милиони тони годишно, тврдат изворите. Денес капацитетот за транспорт изнесува околу 18 милиони тони годишно.

Од 13-те милијарди евра, владата ќе издвои околу 40%, а останатите 60% ќе ги издвои Руската железница, кажуваат изворите. Државниот монопол буџетските средства ќе ги добие од стабилизацискиот фонд на Русија. 

Сите права ги задржува „Росијскаја Газета“.