Руските власти сакаат да депортираат 3 милиони нелегални емигранти од земјата

Како што изјави директорот на Федералната служба за миграција (ФМС на Русија), Константин Ромодановски, неговиот ресор во моментов активно работи на голем проект за иселување на 3 милиони нелегални емигранти од Русија, кои најчесто доаѓаат од поранешните советски републики.

Според тврдењата на Ромодановски, системот за електронска регистрација на секој емигрант кој сака да дојде во Русија практично е подготвен за воведување, а од 2015 година ќе биде заострен режимот за влез на државјаните од тие републики во земјата: во Русија ќе се влегува само со пасош, а не со документите за внатрешна употреба во матичната република, како што е случај денес. Тие кои ќе го прекршат ова правило ќе бидат сместени во специјални центри, од кои понатаму ќе бидат депортирани во татковината, а влезот во Русија ќе им биде забранет.

„Тие луѓе, воглавно млади, не се прилагодени на животот во нашата земја и се однесуваат како што сакаат, што доведува до оправдан револт од страна на нашите граѓани. Ние мораме да воведеме ред во таа област и не смееме да ги повторуваме грешките на западноевропските држави“, изјави функционерот. 

Сите права ги задржува „Росијскаја Газета“.