За време на реконструкцијата на Бољшој театарот украдени се околу 2 милиона евра

Главната управа за економска безбедност при МВР на Русија откри кражба на околу 2 милиона евра од буџетот за реконструкција на Бољшој театарот. Веднаш е покрената кривична постапка.

Според податоците со кои располага полицијата, во 2005 потпишан е договор меѓу државната организација „Дирекција за изградба и реконструкција“ и комерцијалната организација „Теплотехник“ за реконструкција на електричните инсталации во Бољшој театарот.

Изведувачот своите обврски не ги извршил во договорениот рок, а работите се завршени непрофесионално, но и покрај тоа на комерцијалната организација ѝ се исплатени околу 2 милиона евра. 

Сите права ги задржува „Росијскаја Газета“.