Руските забрзувачи на протони ќе лечат рак во САД

Забрзувачот на протони кој е создаден во Физичкиот институт „Лебедев“ ќе се користи за лечење на онколошки заболувања во САД. Рускиот изум победи на тендерот на еден од најголемите медицински центри во САД - Општата болница во Масачусетс.

„Во високотехнолошкото лечење на онколошките заболувања водечка улога играат електронските забрзувачи кои го бомбардираат ракот со гама-зраци. Основниот недостаток при овој вид лечење е во тоа што освен заболените делови, се уништуваат и здравите делови од ткивото. Суштествено се минимизира проблемот користејќи друг вид забрзувачи - протонски (речиси не влијаат врз здравите клетки на организмот)“, се кажува во извештајот на Физичкиот институт.

Рускиот апарат се разликува и со тоа што преку него може полесно да се сосредоточат гама-зраците на заболеното ткиво. Во американските болници се планира оваа година да се испорачаат барем четири вакви апарати од Русија. 

Сите права ги задржува „Росијскаја Газета“.