Во Баренцовото море започнаа руско-норвешките воени вежби

Во водите на Баренцовото и Норвешкото море започнаа петдневните руско-норвешки воени вежби.

Во водите на Баренцовото и Норвешкото море започнаа петдневните руско-норвешки воени вежби. Нивната главна задача е вежбање на заедничките акции на руската и норвешката војска во арктичкиот регион.

Во вежбите учествуваат големиот противподморнички брод „Вицеадмирал Кулаков“ и норвешката фрегата „Хелге Ингстад“. Планот на обуката предвидува патролирање и заедничка борба против пиратите, како и царинска контрола со помош на морската пешадија, а потоа и ослободување на цивилните бродови од вооружените екстремисти, пресретнување на брзи чамци или бродови кои ги нарушуваат морските граници, како и операции за трагање и спасување.

Овие вежби, меѓу другото, опфаќаат и артилериско пукање врз цели во вода и во воздух, одговор на закани од воздухот, откривање и напад на подморници. 

Сите права ги задржува „Росијскаја Газета“.