Претседателот на САД, Барак Обама и претседателот на Русија, Владимир Путин за време на телефонски разговор разменија мислења за соработката во борбата со тероризмот и терористичкиот напад во Бостон. Ова го пренесува AP, повикувајќи се на прес-конференцијата која се одржа во Белата куќа.
Според податоците на прес-службата на Белата куќа, Обама бил задоволен од соработката и му се заблагодарил на Путин за упатените сочувства.
„Владимир Путин го осуди тој варварски чин и изрази убедување дека борбата со тероризмот бара активна координација на силите од целата меѓународна заедница“, се кажува во соопштението кое е објавено на интернет-страницата на Кремљ.
Владимир Путин и Барак Обама зборуваа и за личната средба на самитот на „осумката“ во средината на јуни во Санкт Петербург пред самитот на Г-20.
Тие се договорија да продолжат со соработката во борбата со меѓународниот тероризам. Освен тоа, Владимир Путин и Барак Обама ја подвлекоа важноста за заедничката работа за гарантирање на безбедноста на Олимпијадата во Сочи во 2014 година.
Сите права ги задржува „Росијскаја Газета“.