Јапонскиот премиер носи во Москва паметни технологии

Од посетата на премиерот на Јапонија во Русија се очекува оживување на економските врски.

Премиерот на Јапонија, Шинзо Абе ќе ја посети Русија од 28 до 30 април. Ова е прва посета на јапонски политичар на премиерско ниво за последниве 10 години.

На средбата ќе се разговара и за курилското прашање, како и за размена на мислења околу Северна Кореја. Секако, не се очекуваат некои посебни резултати за овие прашања, но затоа најветувачки се разговорите за продлабочување на економските односи.

„Јапонија сака меѓу Путин и Абе да се развијат односи основани на доверба. На тој начин во иднина ќе можат да се решаваат и најсложените проблеми“, изјави шефот на Центарот за јапонски истражувања при Институтот за Далечниот Исток во РАН, Валериј Кистанов.

Според зборовите на експертот, ќе стане збор и за испораките на гас од Русија во Јапонија. Но тоа не е единствен пат за продлабочување на односите меѓу двете земји.

Дополнително ќе се разговара за земјоделската продукција, прехранбената индустрија, медицинската опрема и фармацевстската индустрија, како и соработка околу планот за урбанизација и создавање на „умни градови“. 

Сите права ги задржува „Росијскаја Газета“.