Путин: Русија и ЈАР водат преговори за испорака на авиони МС-21

Русија и ЈАР вода преговори за продажба на патничкиот авион МС-21, соопшти претседателот Владимир Путин.

„Планирано е заедничко производство на лесен хеликоптер од типот „Ансар“. Во Јоханесбург започна со работа регионалниот центар за техничко опслужување на руските хеликоптери (Ми-17). Се водат преговори со ЈАР за испорака на патничкиот авион МС-21“, изјави Путин на брифингот со новинарите околу резултатите после преговорите со претседателот на ЈАР, Џејкоб Зума, пренесува РИА Новости.

МС - е проект за патнички авион со голем досег кој треба да се појави во 2017 и да го замени Ту-154 и Ту-204 на рускиот пазар на патнички авиони, како и да се појави на меѓународниот пазар. Авионите МС-21 се наменети за превоз на патници, багаж и стока на внатрешните и меѓународните авиолинии.

Програмата за создавање на семејството МС-21 - е проект на Обединетата авиокопорација, чиј главен исполнувач е корпорацијата „Иркут“. Програмата е вклучена во федералниот план „Развој на граѓанската авиотехника на Русија во периодот од 2002-2015 година“. Семејството вклучува два авиона: МС-21-200 (150 места) и МС-21-300 (181 место).

Русија и ЈАР сакаат да ја зголемат трговијата меѓу двете земји, која во 2012 година изнесуваше речиси милијарда долари, соопшти претседателот Путин на новинарите. 

Сите права ги задржува „Росијскаја Газета“.