Аеродромот „Шереметјево“ опремен со бесплатни скајп-кабини

Московскиот меѓународен аеродром „Шереметјево“ го проширува асортиманот на услуги за патниците. Кај терминалот „Аероекспрес“ (електричен воз кој сообраќа од аеродромот до Москва) поставени се скајп-кабини со футуристички дизајн. Во нив се наоѓа екран на допир, звучници и видео-камера.

Екранот се вклучува автоматски штом корисникот влезе во кабината. Врската се воспоставува кога корисникот внесе корисничко име и лозинка, а врската се прекинува кога корисникот ќе излезе од кабината.

Како што пренесува „Руска реч на македонски“, според податоците од независно истражување, спроведено од Меѓународниот совет на аеродроми, „Шереметјево“ е прогласен за најдобар аеродром во Европа според квалитетот на услуга. 

Сите права ги задржува „Росијскаја Газета“.