ЕУ ќе ја тужи Русија

ЕУ ќе ја тужи Русија во судот на СТО, доколку во „најкраток рок“ не биде регулирано прашањето за утилизациската давачка за увозните автомобили.

ЕУ ќе ја тужи Русија во судот на СТО, доколку во „најкраток рок“ не биде регулирано прашањето за утилизациската давачка за увозните автомобили.

Ова го соопштува ИТАР-ТАСС, повикувајќи се на висок европски дипломат. Неговата изјава е дадена во кулоарите на самитот на Европската Унија, на кој се зборувало и за односите со Русија. Според зборовите на изворот на агенцијата, ЕУ настојува да се почитуваат од Русија сите обврски во рамките на СТО.

„Утилизациската давачка е само еден од примерите“. Има и такви неосновани забрани за увоз на жива стока, има зголемени тарифи за текстилот и алкохолот. Според зборовите на дипломатот, за сите тие прашања „следува сериозен разговор“. Тој ќе се одржи во рамките на заседанието на Еврокомисијата и руската влада.

Средбата ќе се одржи следната недела во Москва. Претставникот на Русија во ЕУ, Владимир Чижов, изјави дека „Русија ги знае своите обврски и ги исполнува“. Чижов напомна дека стапувањето во СТО предвидува и период на адаптација кон нормите на организацијата, и тоа мора ЕУ да го има предвид. 

Сите права ги задржува „Росијскаја Газета“.