Министерството за природни ресурси создава резерви

Министерството за природни ресурси ќе ја претстави државната програма за зголемување на руските резерви од нафта и гас за дополнителни 25%.

До 2020 година, Русија планира да ги зголеми резервите од нафта и гас за една четвртина. Ова е една од целите на државната програма за одржување и зголемување на природните ресурси до 2020 година, подготвена од Министерството за природни ресурси. За истражување и освојување на нови територии – ќе бидат потрошени 98 милијарди долари. Побарувачката на ресурси ќе биде зголемена поради поголемите апетити за ресурси од државите во Азија и Латинска Америка, објаснуваат чиновниците.

Министерството за природни ресурси создаде програма за одржување и зголемување на нивото на производство на природните ресурси за периодот од 2013 до 2020 година. Најголемо внимание во документот се посветува на минерално-суровинската база и проучувањето и барањето на нови извори.

Се очекува светската побарувачка за основните видови суровини да расте барем до 2030 година (за сметка на зголемената побарувачка од Азија и Латинска Америка). Според прогнозата на аналитичките агенции, побарувачката на нафта ќе се зголеми за 14%, на гас – за 36 до 52%, на црните и обоените метали – 30-45%, на ретките метали – 30-35%.

Очекуваните инвестиции во постојните и нови извори се очекува да ја зголеми вредноста на добиените суровини на 5,6 трилиони долари. 

Сите права ги задржува „Росијскаја Газета“.