Думата го изгласа законот против пушење

Државната дума на Русија вчера во последното читање го изгласа законот против пушење.

Државната дума на Русија вчера во последното читање го изгласа законот против пушење. На гласањето во долниот дом на парламентот, за законот гласаа 441 депутат, а против - само еден. Во горниот дом овој закон е веќе вклучен на состанокот на 20 февруари.

Законот “За зачувување на здравјето на населението од влијанието на чадот од цигарите и последиците од пушењето“ предвидува целосна забрана на пушењето во образовните, културните, спортските, трговските установи, како и во просториите на органите на државната власт. Русите, исто така, не ќе можат да пушат на работните места, во аеродромите и на железничките станици, во општествениот транспорт, во лифтовите, на детските игралишта, како и на автобуските станици.

Законот ќе стапи на сила на 1 јуни 2013 година. Освен тоа, во 2014 година ќе стапат во сила новите ограничувања на трговијата со тутунски производи и целосна забрана на нивното рекламирање, вклучувајќи ги и филмовите и другите уметнички дела. 

Сите права ги задржува „Росијскаја Газета“.