Русија реши да учествува во уште еден индиски тендер

„Ние им го предлагаме на индиските вооружени сили зенитно-ракетениот систем С-300ВМ“ изјави Комардин

Русија планира да учествува во тендерот за испорака на противракетни системи на Индија, соопшти во четвртокот на новинарите заменикот претседател на „Рособоронекспорт“, Виктор Комардин.

Според неговите зборови, во тек е „предтендерски“ процес. „Ние им го предлагаме на индиските вооружени сили зенитно-ракетениот систем С-300ВМ“ изјави Комардин.

Моменталните зенитно-ракетни системи во Индија се состојат од американски и израелски технологии, и затоа „на Русија ќе ѝ биде тешко да победи на овој тендер“.

Мобилниот зенитно-ракетен систем С-300ВМ (Антеј-2500) се користи за уништување на современите и идните авиони на тактичката и стратешката авијација, како и оние авиони од новата, петта генерација „невидливи“ авиони, балистички ракети од среден дострел, оперативно-тактички и тактички ракети, аеробалистички и крилести ракети, а исто така и авиони за радиолокација и наведување. 

Сите права ги задржува „Росијскаја Газета“.